الديوان » السعودية » بدر بن عبد المحسن » شديد الرمل

عدد الابيات : 10

طباعة

ليلة شديد الرمل .. جتنا ركايب

من الشمال .. وبركت بين الأيام

طوي التراب وشل فوق النجايب

والجو ثارت به معاصير وعسام

علمي بوجهك فـ اسود العج غايب

والريح تدفعني وانا ما لي اقدام

لولا الشجر .. شدت غصونه نهايب

جلدي وثوبك قلت انا وانت الاوهام

لا خيمة .. لا طنب لا صوت شايب

لا صرخة ..لا طفل لا كحل وزمام

طاح الرواق وطاح حلم الحبايب

لا ناي في روحي غدت روحي حطام

ما غيرها ضلوعي في صدري حطايب

وشم الجروح اللي بكبدي من العام

إن كان ذا قبري فـ ابي له نصايب

قبر الورق خلوا شواهده الاقلام

يامعمر الدنيا عمارك خرايب

ما حدٍ ورث جدرانها غير الأيام

العمر شدة والليالي ركايب

والرمل يمحي الرمل والموت قدام

نبذة عن القصيدة
قصائد عامه
عموديه
قافية الميم (م)
الصفحة السابقة رديني
الصفحة التالية شمس الورق

المساهمات

معلومات عن بدر بن عبد المحسن

avatar

بدر بن عبد المحسن حساب موثق

السعودية

poet-albadr@

متابعة

128

قصيدة

2406

متابعين

الأمير بدر بن عبد المحسن بن عبد العزيز آل سعود شاعر سعودي، ولد سنة 1949م. في مدينة الرياض،نشأ الأمير بدر في بيت علم وأدب حيث كان والده محباً للعلم والأدب، ...

المزيد عن بدر بن عبد المحسن

اقتراحات المتابعة

avatar

عبدالله الفيفي

poet-abdullah-alfaify@

متابعة
متابعة
avatar

محمد حسن فقي

poet-mohamed-hassan-faqi@

متابعة
متابعة

اقرأ أيضا لـ بدر بن عبد المحسن :

طيف
شجر النار
اللوعة
عود الليل
الغراب اللي نعق
سلامة رماحك
ظما الشمس
ضيعت الدليل
ليلة القمر الشحيح
شمس الورق
شكرا سحايب
الضي النحيل
رعشة هدب
شاعر
ضي عيني

أضف شرح او معلومة