صديت عن هروج الناس وكفيت 

هرج الردى ما يوم عندي يديري

ولا يوم درب الذل جيته وخميت 

ولا يفهق الغل حنايا ضميري

افعل فعول الطيب ولا عنه تونيت 

اسري مع الطيب ويسري مسيري 

ابقى عزيز النفس لا مشيت وتعنيت 

ومن تكبر علينا نشوفه صغيري

بسم الله المعبود دايم تعزويت

العزيز إلي يحل كل امرٍ عسيري

ارقى سما ولا اظن يومٍ تركّيت

وادمح خطا الناس صغيرٍ وكبيري

وإن تبلوني الناس بشرهم وتبلويت

سلمتهم بيد إلي يجير المجيري

واصلح الهفوه اليّا زليت واخطيت 

والعذر من إلي على الخلايق كبيري

ماني بضعيف الحال لا منّي تراخيت 

مير ارجم الشيطان واعقل بعيري