مسافة للاندفاع أو الدفاع

لحِصن مقاومة أو قذائف الرعاع 

لفاصل زمني.. جايز يزيح الصداع

توضيح بإنك مش قادر على الاستماع 

مسافة تبين رقة الكلمات

وشخص مُحب بيبعت جوابات 

وراجل عجوز سرحان في الذكريات 

وعربية بتجري فـ زحمة ومطبات

مسافة لضوء عواميد النور

بينور درب.. فتاة حور

 بتسرح بفُل ولفة زهور

فـ دنيا فيلم.. والأبطال حسب الظهور

مسافة لفتح كل البِيبان

لطالب بيذاكر لأجل الامتحان

لطرد متكتبش عليه العنوان

أو لقعدة حلوة تنسي الأحزان 

مسافة لوقف نهيق الأفواه

وبحث عن طفل من ايد أمه تاه

وموظف اترقى الفرحة مش سايعاه

وجندي استشهد قبل فرحه يا ولداه