بنخاطب ناس عشان تفوق

تدرك كذبها وترد الحقوق

وفلسطيني ايه قلبه ممزوق

وطفل ليه المرار يدوق؟

نبينا موصي ع سابع جار

وجاري الأول بيحارب تتار

فدائي راجل ميهابش نار

وواثق في ربه يقينه انتصار

يا شمس ابقي ومتغربيش

ده مقاوم شجاع متسلميش

صهيوني فاجر ما تطاوعيش

حلم الحرية لازم يعيش

ومنين يا شرق عايز أمان

واخويا في غزة لوحده بردان

وطفل رضيع ميت جعان

وابادة عرقية لكوني انسان!

ومهما طولت يا فجر مسير نهارنا يقوم

وإن ضاق علينا الحصار.. فغزة بتجمع الخصوم

ولو دكّوا بيتي فأنا أصلا المظلوم

ودامت مقاومة جدرها بحبل الله معصوم

ولازم هييجي اليوم ونهد السور

يطلع الفتى ولو كان ما زال مغمور

ينده بالفجر ويزيل الوعد الزور

يسند ضمير أمتنا اللي طرفها مبتور

وانا مش هبيع..

 زي اللي باع..

ولو قصوا لساني..

 ف لسه لي دراع