لفانا دبشكم مقفي ياهل المنحاه

وقد ذي جواديله حداها اشهب اللالي

وقلت الخبر فان الخبر محدي يكناه

وقالت خبرنا طيب يا بعد حالي

حدانا الظما و الماء شوي ولا ذقناه

وحدانا سموم القيض من غير مقيالي

وترى جانب الرعيان معاد قمناه

قعد عند شهبة يرفع الصوت ويلالي 

وكم واحدن منهم ملا محزمه واخلاه

رمى به على نوره ولا صاد مثقالي

وكم واخد حطت على كبده العرقاه 

ومن شافها منهم دخل قلبه هيالي 

غير ياشين المكان اللي فقد ربعنا شيناه

وياشين المكان اللي قعد عقبهم خالي

وياشين المكان اللي جفاهم مقل حلاه 

وماشين رسومه يوم خليت من المالي 

انا هم هواي وغيرهم حالفن ما ابغاه

ترى القلب مايسلى لما قدني لحالي

ماني بخاطي واحدٍ عابدٍ دنياه 

لما دبروا ربعه قعد عقبهم سالي 

ومن شفت منهم ضيف يامرحبا بخطاه

وعندي له التقدير و الماقف العالي

وقد ذاك دربي لين عمري يجي منهاه

وانا مخربن مالي ولي قال من قالي

رفيقي رفيقي لي تصافيت انا وياه

نساوي العمار ونجعل الحال بالحالي

ورفيقن على الراحات لاخير في لاماه

ولما ثقل حملي قال ماني بمحتالي 

لما ضدته لايام ماقال ويش الهاه

وليشن جرا لي مادرى بالذي جالي 

بعض العرب لي راح تشفق علي لاماه

ويسرك لما جيته يلي حدك الجالي

وبعض العرب لي فارقك تعجبك فرقاه

نشاب بوجيه الدنايا وذوالي

غير يازين شوف المنتفخ و الطوال اقداه

ويازين شوف مخيبية علها الوالي

وعسى المحتفر ياتيه سيلن غزيرن ماه

سقاه القديم وعله الرايح التالي

جزا للعشاير يوم هي دايمن ترعاه

يكبر قمعها بالشحم كل ماسالي

كلن من العربان له في البلد مشهاه

وانا دايمن خشم المراويح مدهالي 

يكون لانزحنا من الدار وادعناه 

وكتبنا السلام لها معى كل نزالي