راكب اللي لي مشى وافتر ويله

يختلف في النظر مثل الشفوفي

هاف لوري وارد التسعه مديله

صبغته حمرا على بابه سيوفي

نصه اللي مايهابون الجميله

لي بغيت اللي يعزون الضيوفي

ال درهم سعد من هم له قبيله

لي جرت بين القبايل بالحذوفي

مثل براق سمر كلن يخيله

مستخيل وغادين نوه ردوفي

من مشى في جرته من غب سيله

مخطرن قلبه من الروعه يزوفي

دورولي صالحن راعي الجميله

لي لفاه الضيف يذبح له خروفي

من حلاله جابلي برنو طويله

ماتنزل لا ابتعد مرمى الكشوفي

الحيا قتال و الجوده ثقيله

وفي طريق الحق تختلف الشفوفي

امدح الطيب وكلن في سبيله

والردي مثبور والقرم معروفي