أشرفت رجم بجلسته ما تهنيت 

من شر حقد الناس واللي وعظهم

رجماً أظنه كان بيت العفاريت

وأمري أنا بنازية يمكن وقظهم

وجتني جنون القاف كلٍ سلا بيت

قالوا ضيوف وقلت ما لمكم بيت

قالوا ربوع الطيب ربك قرضهم

جاوبتهم في ربعكم ما توحيت

امّا ربوع الإنس طيّب عرضهم

ما عمر مات الطيب طيب تواليت

ما قط مر بيوم مات وجهظهم

قالوا جزيل النعم للّي بنو صيت

الطيب لأجل الطيب حاصر غرضهم

بجميع ربع الإنس واللي تطريت

من كل طيب قوم وآقا مرضهم

قلت النهاية يا ربوع العكاريت

من يفتل الأهداف عندي نقضهم

ليش الزيارة والهدف لو تحريت

وش الذي في أمرها قد بهظهم

قالوا لبدع القاف جيناك يا ليت

لو نبدع الأبيات .. ما تعترضهم

تسري قوافينا في النار كما الزيت

راجع قوافي الجن واللي حفظهم

تنظم لك القيفان منّا طواغيت

عاشوا عصور الكون وأنت اتعرضهم

قلت السلام وقمت عنهم وكتيت

وخليت رجم الشر باللي نهظهم

وتركت عبقر بالزعل ما توخيت

ينظر براس الرجم قوماً لحظهم