أرسلت من تحت السواهي دواهي

دكت خفوقي مثل دك التوماهوك 

عليك من فرط الحلا .. ما يضاهي 

أسلحة أمريكا ، ولك تخضع ملوك 

حاولت أغيّر عن هواك اتجاهي 

لقيت نفسي في متاهتك منهوك 

فرضت حبك فرض مافيه جاهي

وبديت أوقعلك مواثيق وصكوك 

أنا اشهد إن ماحد شد انتباهي 

غيرك ، ولاحرّك بي الورد والشوك 

أصبحت في لحظات آمر وناهي 

استعمرت نبضي وانا فيك مشبوك 

يا من جمالك فاق حد التناهي 

سبحان من ابدعك وشلون مسبوك 

هاك المشاعر والغلا .. والشفاهي 

شعرٍ كتبته لأجل عينيك محبوك