الغلا الي بذرته في ثرى الجوف الخصيب

انتحى من كان يسقيه واسقاه السحاب

يوم قامت شجرته وانحنى الغصن الرطيب

مـن عـذوقـه يقطف الـحـزن مالذا وطـاب

الفرح ماصار له باللقاء حظ و نصيب

والفراق اثبت وجوده وراس الحلم شـاب

والامــل صار انعكاسه ألــم و الهم ذيـب

يجتلد بـيـن  الـحنـايـا ويقنب لـذيـاب

والـذيـاب الله وكيلك لـيـا لــج القنيب

كــل ذيـب صوته تـردده  شـم الهضاب

لين دب الرعب في داخل الصدر الرحيب

والطعون اخذت مداها ليا حــد النصاب

وانكشف من غيب الايام لي وجه ٍ غريب

ارجفت منه المحاديب والقلب استصاب

ليتها ضلت على كاهل الضرف الصعيب

ولاشرقت بالجرح شمس توارت فالحجاب

وليت  قلبي يـوم ينهاه عقلي يستجيب

مير قلبي  قــام يرمي بثقله ما يهاب

لـيـن عــوّد بنكساره  وبـالجـرح  العطيب

من مغبات الهوى يوم كابر ويش جاب

قل للقلب ٍمايعوّد مع الراي المصيب

الصواب ان كان ماقنعك يقنعك الصواب

المحبه لا سطى جرحها  ماله طبيب

ولاخبرت الي فتق  سترة اعماقه وطــــاب

والحبيب  يغيب  لكن طيفه  مايغيب 

حاظر مع من يحبه على طول الغياب

يلتهي به كل ما اونس من الفرقى لهيب 

مير مايقطع ضما تايه البيد السراب