من قال لك تشقى معي خلني بروحي للشقاء

أسهر على آهة حزن واصحى وانا كلي أمل

ذي حالتي ما ابغى احد يشيل وياي العناء     

عَل وعسى بمسمعي تفرق وهي بفمك سهل

كل يوم قلبي يحتسب مليون مره على الهوى

اللي خذا راحت نفس وجرحها بأمره احل

وانا اتفرج وبألم على سالبٍ مني الهناء

ولذا العيون ابعتذر كثر اللي منها قد همل

تسمح تفارق دامها النفس شالت ذَا الاذاء

ماتنسى دامك همها بس ابتعد تنسى بمهل

خيبت ظن الروح فيك ولامات فيها الرجاء

الله معاها ومن معه الله لايغلب يُجل