يا ابو محمد عسى ملفاك للجنّة

ربّك حكيمٍ مدبّرْ خالقَ الكونِ

كم واحدٍ سَبَّلَ العينين مع وَنَّة

واثْرِ القدرْ يا حزين القلب له زينِ

الحمد للي له التصريف ما اظنّه

الّا يسوق البَخَتْ للِّي يِعَزّونِ

يطيب كيفي من الهيلة على بِنّه

واما بعيد الشجر لامَاه مِن دوني

كلٍّ مِن الناس عنده ما حدٍ حَنِّه

يا بو محمد عساك من اللي يرضونِ

يا خَي تِصَبَّر عسى حيلك يردنّه

لعلّ خيرٍ كِتِبْ لك وانتِ محزونِ

الغيب ما يعلمه غير صاحب المِنّة

سبحان ربي عظيم الشّان في الكونِ

ليا وَفَّقَ العبد حَسّنْ منه ما ظَنّه

منه العَوَض والعطا والخير والعونِ