أفرح بشوفك (متصل) عالوتساب 

ش عاد لامن صار (جاري الكتابة)

أنسى معك كل المواجع والعتاب

بأقول : ( غالي)... ويتدلل جنابه 

أتأمل (الجوال) كنه غدا الباب 

يجيب ريحة من ذبحنا غيابه 

أذوب بحروفك و باسلوب جذاب 

لاقلتي : (شلونك حبيبي) بذرابة 

(أخر ظهور) يخلي الصدر منصاب

ويهل دمعي مثل وبل السحابة 

ياللي وصالك بلسم الروح واطباب 

غيبتك عندي مثل( ظلم القرابة) 

مرن( ثلاث ايام) صاحبك مرتاب 

لوهن( ثلاث شهور) حثوا ترابه 

لاتغيب عني يابعد كل الأحباب 

خلني اشوفك (متصل) وبثوابه