يوم هب الجاذي ونسّا

حرك اشعوري مع احساسي

قمت ادور حبرٍ وطرسا

وابتعد عن جمله الناسي

بان لي في ليلهٍ غلسا

آدمي به وصف لفراسي

من نظرته صابني مسّا

والفكر به حل وسواسي

كيف يظهر لي ويندسّا 

ولا معي قوه وحراسّي

ليت يا بو محمد اجسّا

قلبيه وتقيس لنفاسي

حطلي في قلبي ودسّا

جمرهٍ تقلى بمحماسي

له عيونٍ شهلٍ ونعسا

وعود يشبه قور لغراسي

جوهره ممنوع تلمسّا

مب قليت وصفره انحاسي

جل من بالحسن هندسّا

راقيه مرموقه اكلاسي

من شعاع البرق والشمسا

ماخذه وفلاش عكّاسي

ربي اللي خالج النفسا

خصني به وارفع الراسي

له امد الكف بالخمسا

وابدع ابياتي عقرطاسي