انا البارحه في مرقدي كني الحراس على صاحبن من دونه العارض المنقاد ياحمس قلبي حمسة البن في المحماس على جمر حرن صالين و العشي براد بساتين قلبي يالطيف الحشى يباس سببها المفارق جعل يوم الرحل ماعاد رحلتوا وانا عذبني الشبح في الارماس وشوفة مداهلكم خذت مني اللي عاد الا يا عيون مبرقعن قاطعن قرناس لمنه شهر من ماكره يعجب الهداد انا في وزا الله من رجا الخير ثم لياس كما الرامي اللي مرهين وانثنى ماصاد عبد الله قلبي عقب غض النهد محتاس ولا عاد ذقت الماء ولاذقت حلو الزاد ذبحني بزين الخد وعيونه النعاس ضربني بشلفا مرهفٍ حدها الحداد ياصاحبي عطني المواجيب مثل الناس ترى دعوة المظلوم مادونها رداد وحسبي على أهلها وحسبي على البلاس سعوا بالنميمه لين جا دونها حساد ولاهو يقرب دارها كون حسن قياس شفر وارد السبعين والتايرات جداد وسواقه اللي لي سرا مايجيه نعاس لمنه مشى في الخط مايلحقه طراد شيبي كمل في عرضي والتحق بالراس وانا عادلي في مترفات البني مراد
