أومي اوقفي بعيونك مل التعب 

احضني الراجع من غربة ما تركت حكي 

انسي الراح ما ضل غالب ولا انغلب

تعبت سنين العمر وانتي تشتكي 

 

بعمرو ما كان النخل للنار حطب 

والليل مابيضني جمر الموقدة

الغيم من صوت الرعد يصيبو غضب

وكل ما توجع الغيم الخير من الله بيجي

 

 

ضعف الحلا رب الكون إلك وهب 

مابيلبق تكوني غيرك وتشبهي

السما سبعة قمرها للناظر سلب 

وانتي وحيدة نورك عالقمر غفي

 

 

مشتاق لحضن و غمرة بلا عتب 

متل الشمس عخد البحر تتكي 

واصرخ فيكي مجنون بلا سبب 

بالسما صوتي ادعي السعادة تملكي

 

مهما نغير الأوطان نرجع وانتي السبب 

سوريا.. واديش عفراقك كتر البكي

بعمرو ما تبدا الحجر عن الدهب

حتبقي الدهب انتي الدهب

و كل ما رخصتي قدرك علي

 

متل ما الظلم خلا المسيح عالخشبة انصلب

ومحمد من ظلم الاهل بقي يشتكي

في رب بالسما قادر يعمل عجب

يفنى الزعل يا بلادي بس اضحكي