لفت على ساق الورد خلخالها 

وفيت حزمة المنثور بخيالها 

والشال لوح لمن يدا إلي مدت 

ياريت عيونها تشوف اللي يحلالها 

 

دخلك يا نظر غير كل شي فيي بعيونها 

ولك دخلك غير كل الاسامي وسميني مجنونها 

شو نفع القصيدة بكتاب ما يصونا 

بطرزلها أبيات تحيكها مع خيطان شالها 

 

لكن ما كان العجب إلو نصيب مني وفلت 

من بعد ما فتشت والنظرات مني سرقت 

بعمري ما سمعت عن نار خلاها البرد طفيت 

طلعت متل غيرها 

ما همها الحب وكل همها جزدانها 

 

خسارة ..

خسارة صدقت البصارة وصدق بالكذب فالها 

طلبك مش موجود..

 والناس تغيرت أحوالها

أعزب دهر

 ولا عاشق عايش متل ميت 

تارك حلا الدنيا وراكد ورا مالها 

وشو نفع الدنيا إن ركضنا ورا مالها