شكل محبوبي تعود غيابي

بس قلبي ماتعود غيابه

له ثلاث ايام مادق بابي

لا اتصال جاني ولاعد كتابه

لاترك موعد ولا رد نابي

فهموني ايش معنئ غيابه

لاقد المحبوب راضي عذابي

والقسم ماناش راضي عذابه

ياطيور الحب شلي خطابي

نفسي اعرف بس ماهو جوابه

هو سلا عمري وذروة شبابي

هو تلاحين الهوئ والربابه

الذي ناسي لحضرة  جنابي

خبروني كيف حضرة جنابه

في غيابه صار جوي ضبابي 

والمئاسي فوق قلبي سحابه

جالس ابحث عن سبب ماجرابي

يوم يومين مالقينا جوابه

فهموني ليش هذا التغابي

هجر خلي جد  ولا دعابه

ان شي مني. غلط ياصحابي 

ليش حتئ مايوصل عتابه

طول ليلي بين اراجع حسابي

مادرينا يادوى الروح مابه

الوجع ماهو بطعن الجنابي

الوجع طعن الاخا والقرابه